Cristiano Ronaldo mund të jetë në radarët e Botafogos për Botërorin e Klubeve që zhvillohet këtë verë në SHBA (14 qershor – 13 korrik), shkruan 04 Online.
Trajneri i ekipit brazilian, Renato Paiva, i pyetur për zërat që lidhnin Ronaldon me klubin, nuk e mohoi entuziazmin: “Nëse vjen, nuk mund t’i themi jo. Edhe në këtë moshë, ai është ende një makineri goli.”
Edhe pse nuk ka ende asnjë konfirmim zyrtar, raportimet e “Marca”-s thonë se Botafogo është serioz në interesimin për legjendën portugeze.
E ardhmja e Ronaldos me Al Nassr mbetet e paqartë pas një tjetër sezoni pa trofe dhe mungesës në Ligën e Kampionëve aziatike. Edhe pse është ambientuar mirë në Arabinë Saudite, nuk përjashtohet një transferim brenda ose jashtë Saudi Pro League këtë verë./04 Online
