Në mbledhjen e Këshillit të Përgjithshëm të AAK-së, Besnik Krasniqi është nominuar zyrtarisht kandidat për kryetar të Komunës së Prizrenit, raporton 04 Online.
Ai falënderoi Kryetarin Ramush Haradinaj dhe strukturat e partisë për besimin, duke theksuar se kjo nuk është garë me premtime, por rrugëtim me veprime.
Njoftimi i plotë i Besnik Krasniqit
Të dashur qytetarë, të nderuar bashkëvendës, miq e aktivistë të Aleancës për Ardhmërinë e Kosovës,
Sot, në mbledhjen e Këshillit të Përgjithshëm të Aleancës, pata nderin e madh të nominohem kandidat për Kryetar Komune të Prizrenit.
Ky besim s’është veç titull – është përgjegjësi që e mbaj në shpirt, me bindjen se kjo punë bëhet për njerëzit, për qytetin tonë, për fëmijët tanë.
Falënderoj nga zemra Këshillin e Përgjithshëm dhe Kryetarin Ramush Haradinaj për këtë përkrahje të çmuar. Falënderoj çdo aktivist, çdo mik e çdo bashkëpunëtor që ka besuar dhe beson në mua në këtë rrugëtim.
Zotohem se do të jem mendja e zeri juaj, do të jem dora juaj, do të jem për ju – pa u lodhë, pa u ndalë, me zemër e me punë të ndershme.
Kjo nuk është garë me premtime, por një rrugëtim me veprime.
E di çka doni, e di çka ju mungon.
E bashkë, nuk na ndalë askush.
Ju faleminderit nga zemra për përkrahjen e madhe.
Rrugëtimi ynë veç ka fillu.
Me respekt dhe përkushtim,
Besnik Krasniqi
