Ka disa gjëra në jetë që nuk mund t’i bësh – si për shembull t’ia vjedhësh akulloren dikujt.
E, kur nëna e një 4-vjeçari në Wisconsin e bëri këtë, djali e thirri Policinë.
Policia u njoftua përmes thirrjes urgjente pasi djali i vogël e thirri për t’i thënë se nëna e tij duhet të burgosej.
“Mami im po tregohet e keqe”, dëgjohet t’i thotë djali Policisë.
“Në rregull, çfarë po ndodh?” pyet polici në telefon.
“Ejani dhe kapeni mamin tim”, përgjigjet djali dhe nëna e tij në atë moment kap telefonin për t’ua sqaruar situatën policëve.
Policët megjithatë shkuan në shtëpinë e gruas për t’u siguruar se ishte vetëm çështje akulloreje.
