AC Milan ka zyrtarizuar transferimin e sulmuesit francez Christopher Nkunku nga Chelsea. 26-vjeçari ka nënshkruar kontratë afatgjatë deri më 30 qershor 2030 dhe do të mbajë fanellën me numrin 18, shkruan 04 Online.
Marrëveshja i ka kushtuar Milanit 38 milionë euro plus 4 milionë euro bonuse të vështira për t’u arritur. Lojtari do të përfitojë 5 milionë euro në vit.
Nkunku, i formuar te PSG dhe i afirmuar te RB Leipzig, ka pasur një karrierë të suksesshme me 70 gola në Bundesliga dhe një eksperiencë të rëndësishme te Chelsea. Ai gjithashtu numëron 14 paraqitje me kombëtaren franceze.
Ky transferim shihet si një përforcim i madh për “Rossonerët”, të cilët synojnë të forcojnë repartin ofensiv për sezonin në vijim./04 Online
