Një incident me zjarr është raportuar në fshatin Gjinoc të Suharekës, ku kati i tretë i një shtëpie është përfshirë nga flakët, shkruan 04 Online.
Sipas informacioneve të para, njësitë policore dhe ekipet e zjarrfikësve kanë ndërhyrë me shpejtësi në vendin e ngjarjes dhe kanë arritur të shuajnë zjarrin.
Fatmirësisht, nuk ka raportime për lëndime në njerëz, por zjarri ka shkaktuar dëme të konsiderueshme materiale. Si shkak i mundshëm i zjarrit dyshohet të jetë oxhaku i shtëpisë.
“Gjinoc, Suharekë / 22.01.2025 – 21:00. Një m/k ka raportuar se nga zjarri është përfshirë kati i tretë i shtëpisë. Njësit përkatëse policore dhe zjarrfikësit kanë dalur në vendin e ngjarjes dhe kanë shuar zjarrin. Përveç dëmeve materiale të shkaktuara nuk raportohet për lëndime në njerëz. (shkaktar i zjarrit dyshohet të jetë oxhaku i shtëpisë). Rasti nën hetime.”, thuhet në raportin e Policisë së Kosovës./04 Online
