Kryetari i Kuvendit të Republikës së Kosovës, Glauk Konjufca, në një takim me ambasadorin e Shteteve të Bashkuara të Amerikës, Jeffrey Hovenier ka diskutuar për zhvillimet e fundit në veri.
Përmes një komunikate për media nga Kuvendi bëhet e ditur se temë kryesore e takimit kanë qenë ngjarjet në Banjskë të Zveçanit, “pas sulmit terrorist nga një grup kriminal serb, ku mbeti i vrarë rreshteri i Policisë së Kosovës, Afrim Bunjaku”.
“Konjufca e falënderoi ambasadorin Hovenier për përkrahjen dhe mbështetjen e gjithanshme që SHBA-të i kanë dhënë dhe vazhdojnë t’i japin Republikës së Kosovës”, thuhet në njoftim.
