Është zbuluar gjarpri më i madh në botë në pyllin tropikal të Amazonës me gjatësi 8 metra dhe peshë 200 kilogramë.
Profesori Freek Vonk është personi që zbuloi Anakondën gjigante që është akoma më i madh se pitoni rrjetë që mbante vendin e parë.
Sipas The Mirror anakonda e gjelbër tani është konfirmuar si një specie e veçantë në një studim të ri të botuar në Diversity më 16 shkurt. Vonk u filmua duke notuar pranë gjarprit gjigant, pasi mori pjesë në studim, mes 15 shkencëtarëve të tjerë.
“Së bashku me 14 shkencëtarë të tjerë nga nëntë vende, zbuluam se lloji më i madh i gjarpërinjve në botë, anakonda e gjelbër. Siç e dimë të gjithë nga filmat dhe tregimet për gjarpërinjtë gjigantë në fakt janë dy lloje të ndryshme. Anakondat e gjelbra të gjetura në veri të zonës së tyre në Amerikën e Jugut, duke përfshirë Venezuelën, duket se i përkasin një specie krejtësisht të ndryshme. Edhe pse ato duken pothuajse identike në shikim të parë, ndryshimi gjenetik midis të dyjave është 5.5 % dhe kjo është e madhe. Ne i kemi dhënë specieve të reja emrin latin Eunectes akayima, Anakonda e Gjelbër Veriore. Fjala ‘akayima’ vjen nga disa gjuhë indigjene”, tha ai, citon The Mirror.
