Një postim i fundit në Reddit ka tronditur shumë fansa të filmave vizatimorë, pasi zbulohet një detaj i ri lidhur me marrëdhënien mes dy personazheve ikonë, Tom dhe Jerry, shkruan 04 Online.
Pavarësisht se shumë janë mësuar t’i shohin ata si armiq të betuar, tani një seri supozimesh dhe argumentesh të justifikuara kanë nxjerrë një përgjigje tjetër për pyetjen: “A janë Tom dhe Jerry miqtë më të mirë?”
Ky postim është bërë viral dhe ka tërhequr vëmendje të madhe në rrjetet sociale, duke shtuar një këndvështrim të ri dhe të papritur për marrëdhënien midis këtyre dy personazheve legjendarë.
Sipas disa postimeve në Reddit dhe burimeve të tjera në internet, Tom dhe Jerry janë në të vërtetë miq të ngushtë. Shpjegimi është që, megjithëse Tom duket se urren Xherrin dhe vazhdimisht e ndjek atë, kjo është një taktikë që ai përdor për të mbrojtur miun. Tom e bën këtë për të siguruar që pronari i tij të mos mendojë se ai është një mace që mund ta dëmtojë Xherrin.
Në të vërtetë, marrëdhënia e tyre është shumë më komplekse – kur janë vetëm, ata shpesh kalojnë kohë së bashku dhe duken të kënaqur me shoqërinë e njëri-tjetrit.
Grindjet e tyre ndodhin kryesisht kur ka ndonjë shikues tjetër, për të shmangur dyshimet e pronarit për Tomin dhe për ta bërë të duket se ai është një mace e zakonshme, që urren miun.
Fansat kanë ofruar disa episode si provë, ku Tom dhe Jerry shihen duke pushuar ose duke u argëtuar bashkë, pa asnjë ndjekje ose grindje, duke treguar se në thelb ata janë miq./04 Online
