Ish – komandant i UÇK-së, Zafir Berisha ka kujtuar rënien e dëshmorit Remzi Ademajt. Ai thotë se Ademaj ra në pritë para 27 vitesh nga bashkëpunëtorët serbë.
Postimi i plotë i Zafir Berishës
Para 27 vitesh (15.08.1998) ra për të mos vdekur kurrë për lirin e Kosovës, bashkëluftëtari ynë, kom. Remzi Ademaj-Petriti!
Duke u kthyer nga një takim në SH.P të UÇK-së në Kleçkë, ku ishte me detyra të veçanta, me 15.08.1998 në udhëkryqin e fshatit Nashec bie në pritë të forcave serbe Kom. Remzi Ademaj-Petriti, kurse plagosen rëndë Shukri Quni e Sami Saitaj-Shqiponja.
Xhevet Berisha që ishte në shoqërim të Kom.Petritit, me luftë e shpërthen pritën e trefishtë, duke marrë me vete njërin nga të plagosurit rënd Shukriun, të cilin e sjellë deri në Zonën e lirë të UÇK-së.
Xhevati nga fushëbeteja largohet me brengën se përpos Petritit ka mbet i vrarë edhe ‘Shqiponja’, i cili ishte plagosur rëndë ku me ndihmën e fshatarve të fshatit Nashec, Kobaj dhe Vlashnje në mëngjesin e 16.08.1998 sillet në spitalin ushtarakë në Malësi të Vrrinit bashkë me trupin e pajetë të kom. Petritit i cili u varros me nderime të larta ushtarake.
Remziu ra për të mos vdekur kurrë, në momentet vendimtare për UÇK-në, kur ishte duke u bërë transformimi i ushtrisë nga Njësite dhe Shtabe Lokale në Brigada dhe Zona Operatve.
Ne bashkëluftetarët e kom Remzi Ademajt-Petriti humbjen e tij e shëndruam në forcë dhe luftën për lirin e Kosovës e vazhduam me shumë beteja e aksione deri me 12 qershor 1999, ku përfundimisht okupatorit serbo-sllavë dhe argatëve të e tyre ju dha fund, dhe Kosova filloj të frymoi lirishtë.
Zafa
P.S: në video bashkë me heroin Selajdin Berisha, gjatë varrimit të Kom. Remzi Ademajt Petriti në Malësi të Vërrinit!
Varrimi u bë me nderime ushtarake ku shumë luftëtar që shihen në këtë video ranë dëshmorë në betejat që pasuan kundër Serbisë, si Xhevat Berisha, Agim e Nuridin Shala, Ymer Shala, Mevlan Hoxha, Fatmir Berisha, Arsim Poniku etj. Në vedeo janë edhe dhjetëra luftëtar që kan ndërru jetë që nga lufta deri më sot.
