Xavi raportohet se është shprehur tejet i zhgënjyer me vendimin e Ousmane Dembeles për të vendosur të largohet nga Barcelona.
Siç raporton gazeta e afërt me klubin katalanas ‘Sport’, Dembele vetëm një javë më parë e kishte siguruar se ai mezi pret që ta fitojë Champions League me Barçën, transmeton Sinjali Sporti.
E njëjta shton se Xavi madje u përpoq të bindte Dembélé të qëndronte duke dhënë shembullin e Neymar, për mënyrën se si ai dështoi tek PSG, por qëndrimi ishte i palëkundur.
Kësisoj, Xavi i ka kërkuar klubit që të nënshkruajë me një top-anësor të krahut të djathtë këtë verë, për të zëvendësuar direkt francezin Dembele.
Klubi tani po eksploron opsionet në treg, prioritetet janë një sulmues, një mesfushor dhe një mbrojtës i djathtë.
Ndërkohë që tashmë ekziston marrëveshja verbale mes Dembeles dhe PSG-së, në një kontratë 5-vjeçare.
PSG dhe Barça janë duke u përpjekur të mbyllin marrëveshjen në mënyrë të re deri në fund të javës.
Klauzola e lirimit prej 50 milionë eurove sidoqoftë tashmë nuk është aktivizuar pasi nuk kishte kohë për këtë – e cila vlente deri para datës 1 gusht – dhe tashmë çmimi i tij pritet të jetë 100 milionë euro, raporton Fabrizio Romano.
