Të enjten, pas ca intervaleve me diell, vranësirat mbeten dominante mbi vend. Nga mesdita të reshura të shiut pritet të përfshinë vendin, që aty këtu edhe mund të shoqërohen me ndonjë bubullimë. Pritet të fryjë mesatare e mesatarisht e fuqishme nga jugu e jugperëndimi, 5-14m/s, me hove deri në 18m/s, në pjesë qendrore të vendit.
Të premtën do të ketë vranësira të ndryshueshme e intervale me diell. Pasdite më vonë dhe mbrëmje priten të reshura shiu, që me rënie të temperaturave orëve të mbrëmjes shndërrohen në reshje bore, duke vazhduar përgjatë ditës së shtunë, ndërkohë që temperaturat maksimale zbresin në 0C, derisa ato minimale në -3C. Reshjet e borës pushojnë pas mesnate me kalimin nga dita e diel, kur parashihet të ketë më shumë kthjellime. Temperaturat minimale zbresin edhe deri në -9C mëngjesin e së hënës. Nga e premta mbrëma edhe do të fryjë erë e ftohtë veriore e verilindore, me hove dhe mbi 15m/s, që edhe jep ndjesinë e temperaturës prej -10C, ditën e shtunë.
Me këtë zhvillim të situatës meteorologjike në vend, ku priten erëra më të fuqishme mbi vend, cilësia e ajrit pritet të përmirësohet, meqenëse ndotësit ajror mbeten më të shpërndarë. Indeksi i cilësisë së ajrit mbetet më gjatë në vlera të pranueshme dhe të mira.
