Vitamina B6 është e një rëndësie të veçantë për shëndetin e zemrës, sistemin tretës, funksionin e muskujve, energjinë e të tjerë.
Organizmi i përdor vitaminat e kompleksit B për të transformuar ushqimin në energji.
Të gjitha vitaminat e kompleksit B janë të rëndësishme për metabolizmin, trurin, mëlçinë, qelizat, shëndetin e flokëve, lëkurës dhe syve.
Vitamina B6 për trurin dhe sistemin nervor
Ajo është e përfshirë në prodhimin e hemoglobinës, proteina në gjak që transporton oksigjenin në organizëm.
Kjo vitaminë ndihmon në prodhimin e serotoninës, hormonit që rregullon humorin dhe norepineprinës që e ndihmon trupin të përballojë stresin.
Vitamina B6 ndihmon në prodhimin e melatoninës, që rregullon orën e brendshme dhe gjumin.
Disa studime kanë treguar se kombinimi i vitaminës B6, B12 dhe folatit luan një rol në ngadalësimin e shpërbërjes së funksioneve të trurit, humbjes së kujtesës, sklerozës, Alzheimerit dhe depresionit.
Vitamina B6 – Sa miligramë nevojiten?
Vitamina B6 dhe simotrat e saj treten në ujë dhe në lëngje trupore.
Kjo do të thotë se çdo sasi që trupi nuk e përdor dot, nxirret jashtë.
Rrjedhimisht, njeriu ka nevojë të marrë vitaminë B6 çdo ditë.
Sasia e saktë ditore e kësaj vitamine varet nga mosha, gjinia dhe rrethana të ndryshme siç mund të jetë shtatzënia apo ushqyerja me gji.
Fëmijët
Foshnjat deri në 6 muaj kanë nevojë për 0.1 mg në ditë.
Fëmijët nga 6 muaj deri në 1 vjeç kanë nevojë për 0.3 mg në ditë.
Fëmijët nga 1 deri në 3 vjeç kanë nevojë për 0.5 mg.
Fëmijët nga 4 deri në 8 vjeç kanë nevojë për 0.6 mg.
Fëmijët nga 9 deri në 13 vjeç kanë nevojë për 1 mg vitaminë në ditë.
Djemtë nga 14 deri në 18 vjeç kanë nevojë për 1.3 mg vitaminë.
Vajzat nga 14 deri në 18 vjeç kanë nevojë për 1.2 mg vitaminë në ditë.
Të rriturit
Burrat dhe gratë nga 19 deri në 50 vjeç kanë nevojë për 1.3 mg vitaminë në ditë.
Burrat mbi 51 vjeç kanë nevojë për 1.7 mg vitaminë në ditë.
Gratë mbi 51 vjeç kanë nevojë për 1.5 mg vitaminë në ditë.
Gratë shtatzënë kanë nevojë për 1.9 mg vitaminë në ditë.
Gratë lehonë kanë nevojë për 2 mg vitaminë në ditë.
Shumica e njerëzve që ushqehen shëndetshëm pajisen me këtë vitaminë pa pasur nevojën e suplementëve.
Vitamina B6 – Burimet më të mira ushqimore
Disa prej burimeve kryesore ushqimore të vitaminës B6 janë ushqimet e pasura me proteina si fasulet, mishi, shpendët, drithërat, arrorët, bananet, patatet dhe peshku.
Disa sëmundje ndikojnë në përthithjen e kësaj vitamine siç mund të jenë sëmundjet e veshkave.
Simptomat e pamjaftueshmërisë së kësaj vitamine, përfshijnë ënjtje të gjuhës, depresioni, konfuzioni, sistem të dobët imunitar dhe anemia.
Nga ana tjetër, sasitë më të mëdha të kësaj vitamine shkaktojnë dëmtim të nervave, sëmundje të mushkërive tek meshkujt, veçanërisht te duhanpirësit.
Vitamina B6 është zakonisht e përfshirë në multivitamina. /Agroweb
