Vinicius Junior e ka dhënë një intervistë të gjatë në gjigantin mediatik “CNN”, përmes së cilit i ka treguar synimet e tij individuale dhe ekipore, por foli edhe për idhujt e tij, për objektivin për ta fituar Topin e Artë dhe për arritjen e Kylian Mbappes në Real Madrid.
“Idhujt? Ajo që e ka bërë Marta (futbolliste braziliane) është njëjtë siç ka bërë Pele për të gjithë në Brazil, apo si Ayrton Senna, është një nivel që e gjen një në një milion. Unë e kam idol Kakan për shembull, e kam edhe Ronaldon, i cili e ka fituar trofeun e Topit të Artë dy herë, pastaj Ronaldinhon, Rivaldon, shumë futbollistë brazilianë që e kanë fituar Topin e Artë. Por, pa dyshim se Ronaldo dhe Ronaldinho janë ata më të afërt me mua, çdo ditë ma kujtojnë se duhet ta fitoj Topin e Artë”, deklaroi fillimisht Vini, përcjell “Gazeta Express”.
“Unë isha me Ronaldon së fundmi kur qëndrova në Ibiza dhe jam ushtruar në shtëpinë e tij dhe më tha: ‘Ushtro këtu për disa ditë, kështu do të jesh më afër Topit të Artë. Janë lojtarë që kanë bërë gjëra të jashtëzakonshme. Dhe, të jem në gjendje ta fitoj Topin e Artë si ata, do të ishte diçka vërtet e jashtëzakonshme”, shtoi sulmuesi brazilian.
“Arritja e Mbappes? Skuadra është mjaft e mirë dhe kështu është qe një kohë. Tash, me arritjen e Mbappes, të gjithë thonë se skuadra mund të bëhet e papërmbajtshme. Por, duhet t’i bëjmë punët sa më mirë në stërvitje dhe më pas t’i presim rezultatet sa më shpejt të jetë e mundur. E adhuroj stilin e Mbappes, e adhuroj se si luan dhe e vërteta është që jam mjaft entuziast për atë që mund ta bëjmë gjatë këtij sezoni. Ka ardhur pasi ka shënuar aq shumë gola, pasi ka fituar aq shumë. Arrin në klubin ku ka ëndërruar gjithmonë të jetë dhe ku çdo lojtar gjithmonë ëndërron të luajë, një klub që i pëlqen edhe Zotit. Mbappe mund të shënojë shumë gola, siç ka bërë më skuadrën paraprake, njëjtë si me Kombëtaren. Shpresoj që mund të shënojë edhe më shumë me ne”, përfundoi Vinicius Junior./Express
