U.d i kryetarit të OVL e UÇK-së në RTV Dukagjini ka theksuar se pensioni i veteranit është lidh me pagën minimale në mënyrë që të mos përdoret kjo çështje nga partitë politike në fushata.
Klinaku ka shtuar se qeveritë e kaluara që kanë qenë të lidhur me luftën kanë pasur moton: përkrahni veteranët se ata na votojnë.
“Më vjen keq që secila qeveri, çështjen e veteranëve e ka çështje për vota. Në këtë rast edhe Kurti çështjen e veteranëve e përdorë për vota: ndëshkoi veteranët se pjesa tjetër na voton. Qeveritë e kaluara që kanë qenë të lidhur me luftën kanë pasur moton: përkrahni veteranët se ata na votojnë”, tha ai.
Po ashtu, Faton Klinaku ka thënë se për fat të keq shumica e popullit i votojnë ata që i shajnë veteranët.
“Populli nuk e di që nuk mund të bëhet as verifikim e as kategorizim i veteranëve duke qenë dosjet në prokurori. Askush nuk mund ta bëjë se nuk ka fare dokumentacione. Pra, po bëjnë lojë me opinionin për t’iu ikur skandaleve të shumta”.
Klinaku ka theksuar se ia kanë thënë Kurtit në takim se nëse pagesat e veteranëve nuk llogariten me pagën minimale do ta bllokojnë atë në zyre.
“Ato që Ramush Haradinaj i ka thënë në televizion, unë ja kam thënë Kurtit në zyre. Është e vërtetë që Organizata e veteranëve të UÇK-së do t’ia bllokojë hyrje-daljet Kurtit. Do të mbetet brenda ose jashtë zyreve. Ja kemi thënë Kurtit në takim. Nuk po e kërcënojmë po ja kemi thënë në takim [Kurtit].
Klinaku thotë se nëse Kurti ndryshon ligjin për veteranët bënë shkelje kushtetuese.
