Gazeta Sinjali ka raportuar sot për një vetaksident trafiku, i cili kishte ndodhur rreth orës 05:00 të mëngjesit, në rrugën “Adem Jashari” në Prizren.
Rastin për Sinjalin e ka konfirmuar edhe Shaqir Bytyqi, zëdhënësi i Policisë në rajonin e Prizrenit, i cili bëri të ditur se, në aksident është përfshirë një veturë me tre persona brenda, ngasësi dhe dy pasagjerë të cilët kanë pësuar lëndime trupore.
Ngasësi ka marrë lëndimet më të rënda, por sipas informacioneve mjekësore, gjendja e tij nuk paraqet rrezik për jetën.
Përveç lëndimeve fizike, nga aksidenti janë shkaktuar dëme të konsiderueshme materiale, si në automjetin e përfshirë, ashtu edhe në pronë private dhe publike përreth.
“Si pasojë e aksidentit, tre persona (ngasësi dhe dy pasagjerë) kanë pësuar lëndime trupore. Ngasësi ka marrë lëndime më të rënda, por sipas informacioneve mjekësore gjendja e tij nuk paraqet rrezik për jetë. Përveç lëndimeve trupore, aksidenti ka shkaktuar dëme të mëdha materiale si në automjetin e përfshirë, ashtu edhe në pronë private dhe publike”, tha Bytyqi për Sinjalin.
