Sipas të dhënave të fundit nga Qendra Kombëtare për Menaxhim Kufitar (QKMK), kolona të gjata janë krijuar sidomos në pikën kufitare të Merdarës.
Në këtë pikë, pritjet për të dalë nga territori i Kosovës janë aktualisht rreth një orë.
Ndërkohë, po në këtë pikë – që është një nga pikat më të frekuentuara nga bashkatdhetarët, kolonat e automjeteve arrijnë deri në 600 metra.
Në anën tjetër, në të gjitha pikat e tjera kufitare të vendit, qarkullimi është i lirë dhe pritjet nuk zgjasin më shumë se 3 deri në 5 minuta, bëjnë të ditur autoritetet.
