Kohët e fundit çmimet e produkteve ushqimore në Kosovë kanë shënuar rritje.
E, dy ditë e fundit, në raftet e marketeve po shihet edhe rritja e çmimit të vajit, i cili ka arritur vlerën mbi dy euro, e që deri para pak ditësh çmimi sillej rreth 1.70 euro.
Në fotografinë e dërguar nga lexues të Gazeta Online Reporteri.net, shihet se vaji i markës “Dijamant” (prodhim kroat), ka arritur çmimin në 2.19 euro, ndërsa edhe ai “Zvijezda” (prodhim kroat) ka shënuar ngritje në 2.29 euro.
Përpos vajit, në Kosovë është ngritur edhe çmimi i miellit, sheqerit dhe produkteve tjera bazë.
Theksojmë se kryeministri i Kosovës, Albin Kurti në mbledhjen e sotme të Qeverisë ka paralajmëruar masa duke thënë se do të ndalojnë manipulimin e përfitimin në emër të krizës duke shtuar kontrollet dhe mbikëqyrjen./Reporteri
