Presidentja e Komisionit Evropian, Ursula von der Leyen, ka përmendur se Kosova ka plotësuar gjitha kriteret për liberalizimin e vizave.
Ajo ka përmendur edhe kushtin e ri i cili është përfolur, ETIAS, i cili sipas saj është një sistem i pavarur.
“Kosova i ka plotësuar të gjitha standardet e kemi thënë. Sa i përket ETIAS është i pavarur” – tha presidentja Ursula von der Leyen.
Osmani theksoi se qytetarët e Kosovës vazhdojnë të jenë të izoluar.
“Ka kaluar kohë e gjatë që pavarësisht plotësimit të të tgjitha kritereve ende nuk ka liberalizim të vizave. Shpresojmë shumë që thirrja e Komisionit Evropian të respektohet nga të gjitha shtetet anëtare” – tha Osmani.
Diskutimet për liberalizimin e vizave për Kosovën do të vazhdojnë në grupin punues të Këshillit të Bashkimit Evropian me datën 9 nëntor, ndërsa deri atëherë, vendet anëtare do të zhvillojnë edhe konsultime mes vete./Kallxo
