Ekipi U17 i FC “Liria”, nën drejtimin e trajnerit të përkushtuar Sinan Osmani, është shpallur kampion pas një sezoni të jashtëzakonshëm që u karakterizua me gola të shumtë, mbrojtje të hekurt dhe një shpirt të fortë ekipor, shkruan 04 Online.
Ky sukses nuk është rastësi. Ai është rezultat i përkushtimit maksimal të futbollistëve të rinj, të cilët me çdo ndeshje treguan rritje, disiplinë dhe pasion për lojën. Asistimet precize, angazhimi në çdo cep të fushës dhe koordinimi mes reparteve ishin kyç në rrugëtimin drejt titullit kampion.
Filozofia e ekipit – “një për të gjithë, të gjithë për një” – reflektoi në çdo minutë të lojës, ku komunikimi i shëndoshë mes lojtarëve dhe trajnerit krijoi një ambient të fortë bashkëpunues dhe fitues.
Tifozët e zjarrtë të Lirisë nuk munguan asnjëherë. Mbështetja e tyre e palëkundur nga tribuna i dha forcë dhe motivim këtij ekipi të talentuar drejt arritjes së madhe.
FC “Liria” U17 jo vetëm që ngriti trofeun, por edhe dëshmoi se e ardhmja e futbollit prizrenas është në duar të sigurta. Bravo djemve, bravo trajnerit Osmani, kampionë me meritë!/04 Online
