Ditëve të fundit u aludua se këngëtari Blero ka nisur një lidhje të re dashurie.
Këngëtari u tha se është në një romancë të re me modelen shqiptare, Vjosa Pllana, duke marrë parasysh që u fotografuan bashkë në një klub nate.
Modelja ka reaguar me anë të një instastory, duke thënë se nuk ka qenë kurrë në një lidhje me Bleron duke theksuar se është beqare.
“Përshëndetje njerëz, kam parë që një lajm është bërë viral, bëhet fjalë për Bleron, që jam me të në lidhje. Nuk është e vërtetë, unë me të nuk kam qenë në lidhje kurrë dhe nuk jam. Kështu që jam beqare njerëz. Vetëm doja të konfirmoja si është puna. Ju përshëndes”, u shpreh ajo.
