Asnjë prej pjesëtarëve të forcave të kërkim-shpëtimit siriane nuk e kishte marrë me mend që gjatë orvatjeve të palodhshme për të gjetur sa më shumë të mbijetuar nga tërmeti i 6 shkurtit në Jindarys, do të dëgjonin të qarat e një bebeje të porsalindur.
Bënte ftohtë, por Afraa ndoshta nuk e kuptonte. Kishte patur si mburojë krahët e nënës së saj, me të cilën e mbante akoma lidhur kordoni ombelikal dhe rrënojat e shtëpisë ku duhej të ishin të gjithë të lumtur. Babai i saj, Abu Rudaina, nëna dhe katër vëllezërit e motrat ndërruan jetë, por Afraa u kap fort pas jetës dhe ia doli mbanë të mbijetonte.
Videoja e shpëtimit të saj magjepsi dhe përloti botën dhe shumë njerëz u shprehën të gatshëm për ta adoptuar, por xhaxhai i saj nuk e lejoi diçka të tillë dhe tanimë po e rrit bashkë me 7 fëmijët e tij.
Ka pasur kaq shumë interes për historinë e Afraa-s, sa Khalil dhe familja e tij u shqetësuan ndërsa prisnin rezultatet e ADN-së se dikush mund të përpiqej ta rrëmbejë atë. Ata kaluan sa më shumë kohë që mundën në spital dhe morën masa paraprake shtesë. “Si policia civile dhe ajo ushtarake na ndihmuan ta mbrojmë atë,” thotë ai.
“Ata qëndruan në dhomën pranë Afraa-s dhe e vëzhguan atë ditë e natë. Ajo është ende shumë evogël, por më kujton babain e saj dhe motrën e saj Nawara, veçanërisht buzëqeshjen e saj”, -vijon rrëfimin xhaxhai i saj, Khalil al-Sawadi. Afraa u trajtua fillimisht në spital pasi kishte vështirësi në frymëmarrje, por tani gëzon shëndet të plotë dhe është bërë një vogëlushe e bukur që na magjepsi sërish me pamjen e saj.
