Vinicius Junior ka qenë protagonist mbrëmë në fitoren e Real Madridit me përmbysje ndaj Borussia Dortmundit me rezultat 5:2.
“Los Blannos” e gjetën veten në disavantazh në pjesën e parë, 0:2, por u rikthyen furishëm në atë të dytë për të fituar bindshëm në stadiumin “Santiago Bernabeu”.
E lojtari kryesor i natës ishte pa dyshim Vinicius, shkruan “Gazeta Express”.
Ylli brazilian ishte i pandalshëm për gjermanët dhe shënoi tregolësh në përmbysjen e madhe të Realit.
Ky njëherësh ishte “hat-trick”-u i parë në karrierë për 24 vjeçarin në Ligën e Kampionëve.
E në përgjithësi në të gjitha garat, futbollisti jug-amerikan i ka realizuar tre tregolësha.
Më saktësisht, ky ishte i dyti për të në vitin 2024 pas atij të realizuar ndaj Barcelonës në Superkupën e Spanjës, dhe natyrisht i pari në Champions.
Vinicius u shpall lojtari i ndeshjes, ndërsa të hënën tjetër pritet ta fitojë Topin e Artë, ku është favorit absolut, duke e lënë prapa mesfushorin spanjoll Rodri.
