Kombëtarja e Shqipërisë sonte zhvillon ndeshjen e dytë miqësore e njëkohësisht të fundit para fillimit të Euro-s 2024.
Duke pasur parasysh që Kampionati Europian fillon nga 14 qershori, ndeshja e sotme duket si njëlloj “testi i fundit” për kombëtaren kuq e zi.
Miqësorja e sotshme fillon nga ora 19:00 dhe ekipi tashmë është i gatshëm për të shënuar fitoren e dytë në këto ndeshje përgatitëse, pasi ditë më parë mposhti Lihtenshtejnin.
Kujtojmë se Kombëtarja e Shqipërisë, ndeshjen e parë në Euro-n 2024 e zhvillon më datën 15 qershor kundër Italisë, kurse në grup ka Spanjën dhe Kroacinë.
