Manchester United pati një ecuri pozitive në këtë sezon me trajnerin Erik ten Hag që arriti t’i japë skuadrës një tjetër “fytyrë” nga ato që “Djajtë e Kuq” kishin shfaqur vitet e fundit.
Skuadra ia doli të sigurojë rikthimin në Champions League ndërsa është edhe në finalen e FA Cup ku do të sfidojë Manchester Cityn, pa lënë mënjanë faktin se fituan Kupën e Ligës.
Njeriu i këtij sezoni te United ishte padyshim Marcus Rashford i cili deri më tani ka realizuar plot 30 gola në të gjitha kompeticionet. Megjithatë, trajneri Ten Hag pret që këtë shifër sulmuesi ta rrisë në sezonin pasardhës duke e “ftuar” 25-vjeçarin të shënojë të paktën 40 gola.
“Mendoj se Rashford mund të përmirësohet edhe më tepër. Jam i bindur se mund të shënojë më shumë se 30 gola sepse ju kujtoj se në këto dhjetë ndeshjet e fundit nuk ka shënuar shumë dhe shifrat mund të ishin edhe më të mira. Skuadra e ka mbështetur shumë dhe jemi të lumtur, por sezonin tjetër pres që ai të shënojë 40 gola. Ky është hapi i radhës për Rashford”, u shpreh Ten Hag.
