Rastet e dhunës në familje janë një nga shumë shqetësimet e qytetarëve të cilat raportohen në polici dhe trajtohen nga institucionet e Kosovës.
Një rast jo i zakonshëm ka ndodhur në Prizren, nga burime të SuharekaOnline bëhet e ditur se një femër dyshohet se ka sulmuar fizikisht një mashkull.
Poashtu rasti është konfirmuar edhe nga Policia e Kosovës në Prizren në raportin 24 orësh thuhet se rasti është lajmruar dje rreth orës 16:00 dhe se e dyshuara është arrestuar.
Poashtu, policia bënë të ditur se viktima ka pësuar lëndime trupore dhe si pasojë është dërguar për tretman mjekësor.
Me vendim të prokurorit e dyshuara është dërguar në mbajtje.
