Dy persona janë arrestuar nga Policia e Kosovës në Suharekë, pasi dyshohet se kanë privuar nga liria një person dhe e kanë sulmuar fizikisht atë, shkruan 04 Online.
Sipas raportit policor, të dyshuarit, meshkuj kosovarë, e kanë mbajtur viktimën në një kafiteri, ku e kanë goditur me grushte dhe e kanë kanosur. Motivi i incidentit dyshohet të jetë një borxh që viktima ua kishte të dyshuarve.
Me vendim të prokurorit, të dyshuarit janë dërguar në mbajtje, ndërsa rasti po hetohet më tej nga autoritetet përkatëse.
“Suharekë 28.02.2025-18:10 Janë arrestuar dy të dyshuar meshkuj kosovarë, pasi të njëjtit kishin privuar nga liria e lëvizjes viktimën mashkull kosovar duke e mbajtur atë në një kafiteri. Të dyshuarit kishin sulmuar fizikisht duke e goditur me grushte si dhe kanosur viktimën. Motivi i incidentit dyshohet të jetë një borxh të cilin viktima ua kishte personave të dyshuar. Me vendim të prokurorit të dyshuarit janë dërguar në mbajtje.”, thuhet në raportin e Policisë së Kosovës./04 Online
