Spitali “GVM” në Prizren, në bashkëpunim me Kolegjin “Heimerer”, do të ofrojë bursa të plota për studentët më të motivuar të infermierisë, shkruan 04 Online.
Siç thuhet në njoftim, përfituesit do të kenë arsimim cilësor dhe mundësi punësimi në Spitalin “GVM” pas përfundimit të studimeve.
Njoftimi i plotë i GVM në Prizren
Spitali GVM Prizren, në bashkëpunim me Kolegji Heimerer, ka marrë iniciativën për të mbështetur të rinjtë e rajonit të Prizrenit në ndjekjen e studimeve në infermieri, duke ofruar bursa të plota për studentët më të motivuar. Përmes kësaj nisme, të rinjtë do të kenë mundësi të përfitojnë jo vetëm arsimim cilësor dhe modern, por edhe rrugën drejt një karriere të sigurt, me mundësi punësimi dhe zhvillimi profesional në Spitalin GVM Prizren pas përfundimit të studimeve.
