Parlamenti Evropian të martën ka miratuar vendimin final për liberalizimin e vizave për Kosovën.
Pas këtij hapi pason nënshkrimi i tekstit që garanton liberalizimin e vizave për Kosovën – që pritet të nënshkruhet sot në Strasburg.
Zyra për Informim e Kryeministrisë ka bërë të ditur se zëvendëskryeministri, Besnik Bislimi do të marrë pjesë në ceremoninë e nënshkrimit zyrtar, të organizuar nga Presidentja e Parlamentit Roberta Metsola.
Ceremonia pritet të fillojë në orën 14:45.
Tutje në njoftim thuhet se Bislimi do të mbajë një konferencë për media në Parlamentin Evropian, së bashku me Eurodeputetin dhe Raportuesin për Kosovën për çështjen e vizave Thijs Reuten, me fillim nga ora 15:15.
Ndryshe, liberalizimi i vizave do të hyjë në fuqi në datën e funksionalizimit të sistemit ETIAS por jo më vonë se 1 janari 2024, pra, edhe nëse ky sistem nuk hyn në funksion deri në atë datë.
Sipas rregullave të Parlamentit Evropian, liberalizimi i vizave nënkupton që qytetarët e Kosovës do të kenë kohë të qëndrojnë 90 ditë në Zonën Shengen, në një periudhë prej 180 ditësh./Teve1
