Parashikimi i motit për të enjten ofron një ditë të ftohtë dhe kryesisht të vranët, me kushte tipike dimërore që përfshijnë mundësi për reshje të izoluara bore. Retë do të dominojnë qiejt, duke krijuar një atmosferë të zymtë dhe me pak mundësi për ndonjë interval të shkurtër me diell, shkruan 04 Online.
Era do të fryjë nga drejtime të ndryshme, duke mbajtur një shpejtësi të moderuar prej 10 deri në 29 km/h, e cila mund të shtojë ndjesinë e të ftohtit.
Sa i përket temperaturave, pritet që ato minimale të bien në nivele mjaft të ulëta, duke lëvizur nga -5°C deri në -3°C, çka sugjeron ngrica në orët e para të mëngjesit. Ndërkohë, temperaturat maksimale nuk pritet të kalojnë kufirin e 3°C, duke qëndruar midis 0°C dhe 3°C gjatë ditës./04 Online
