Sot vendi ynë do të përfshihet nga një mot kryesisht i ndryshueshëm. Gjatë ditës parashikohet të ketë vranësira të herëpashershme të shoqëruara me intervale me diell, ndërsa në disa zona pritet të ketë reshje të lehta dhe kalimtare të shiut, shkruan 04 Online.
Era do të fryjë nga drejtime të ndryshme, me intensitet të lehtë deri mesatar, duke arritur shpejtësinë nga 10 deri në 35 kilometra në orë.
Temperaturat do të jenë të buta për këtë periudhë të pranverës – ato minimale do të lëvizin ndërmjet 1 dhe 6 gradë Celsius, ndërsa ato maksimale pritet të arrijnë nga 15 deri në 18 gradë Celsius./04 Online
