Sot vendi ynë do të përfshihet nga mot kryesisht me diell dhe temperatura të larta, duke krijuar kushte të përshtatshme për aktivitete në natyrë dhe pushime verore. Parashikimet sinoptike tregojnë se do të jetë një ditë shumë e ngrohtë, me temperatura maksimale që do të arrijnë deri në 31°C, shkruan 04 Online.
Era do të fryjë nga drejtimi i verilindjes dhe herë pas here pritet të jetë e fuqishme, me shpejtësi që mund të shkojë nga 15 deri në 46 kilometra në orë, duke sjellë freski të lehtë në disa zona.
Temperaturat minimale gjatë orëve të mëngjesit do të sillen nga 13 deri në 15°C, ndërsa ato maksimale pritet të variojnë nga 27 deri në 31°C./04 Online
