Drejtoresha e Emergjencës dhe Sigurisë pranë Komunës së Prizrenit, Ramize Sinanaj – Shala ka apeluar te qytetarët e kësaj komune që të tregohen të kujdesshëm dhe të shmangin të gjithë shkaktarët e mundshëm të rrezikut nga zjarri.
Ekipet e zjarrëfikësve në Komunën e Prizrenit sot kanë pasur shtatë intervenime të ngjashme, ka thënë Sinanaj – Shala, teksa përmes një shkrimi në profilin e saj në ‘Facebook’ ka apeluar qytetarët për kujdes të shtuar, shkruan 04 Online.
“Të nderuar qytetarë,
🗣Ju bëjmë thirrje sot për një çështje të rëndësishme për komunitetin tonë.
Ju lutem të mos ndezni zjarre në natyrë.
🔥Zjarret mund të shkaktojnë shumë dëme.
Sot, ne kemi mundësinë të bashkohemi dhe të vendosim për një të ardhme më të sigurtë dhe më të qëndrueshme.
🔥Zjarret nuk ndalohen vetëm me fjalë.
Ne të gjithë kemi përgjegjësinë të ndihmojmë për të parandaluar zjarret dhe për të përmirësuar reagimin tonë ndaj tyre.
🍀Kujdesi dhe përgjegjshmëria jonë do të kenë ndikim të madh në mbrojtjen e mjedisit tonë të çmuar dhe në ruajtjen e sigurisë së komunitetit tonë.
Sot ju ftojë të gjithë të angazhoheni për një mjedis të qëndrueshëm dhe të sigurtë👨👩👧👦
Ndihmoni në Parandalim:
✅️Ndezjet e shkurreve mund të shkaktojnë zjarr të madh🔥.
✅️ Kjo dukuri fatkeqësisht është bërë e zakonshme në vendin tonë dhe po përdoret nga qytetarët me qëllim të zhdukjes së barishteve që kinse dëmtojnë kulturat bujqësore.
✅️Kjo praktikë është e dëmshme për kulturat bujqësore dhe e rrezikshme për ambientin. Ekspertët bujqësor madje kanë konfirmuar se djegja e barishteve për të “pastruar” tokën ndikon negativisht në kulturat bujqësore dhe në redimentin e tokës.
Po ashtu, kjo praktikë është dënueshme me ligj.
✅️Raportoni menjëherë zjarrin ose ndezjet e paligjshme.
☎️ Njoftimi me kohë mund të ndihmojë në minimizimin e dëmeve dhe përhapjes së flakës.
zjarrfikësit193
✅️Bashkëpunimi ynë është thelbësor për të bërë ndryshime pozitive.
✅️Le të bëhemi një shoqëri e përgjegjshme dhe e vetëdijshme.
Me respekt
R.Shala DES”, thuhet në apelin e Sinanaj – Shala, e cila njëkohësisht ka bashkangjitur edhe një video që tregon për intervenimin e ekipeve të zjarrëfikësve në terren./04 Online
