Napoli është pista e fundit për Cristiano Ronaldon. Sulmuesi portugez e ka ndarë mendjen për t’u larguar nga Manchester United, pasi dëshiron të luajë në Champions League.
Shumë klube të njohura refuzuan nënshkrimin me 37-vjeçarin, mes tyre edhe Chelsea. CR7 ishte pro kalimit në “Stamford Bridge”, por Thomas Tuchel vuri veton kundër afrimit të tij.
Mediet angleze kanë zbuluar edhe shkakun pse tekniku gjerman ishte kundër mbërritjes së Ronaldos në skuadrën e tij: Ralf Rangnick e ka bindur të mos punëojë me pesë herë fituesin e “Topit të Artë”.
Ky i fundit ishte trajneri i Ronaldos tek United sezonin e kaluar dhe mesa duket nuk ka mbetur i kënaqur nga bashkëpunimi me yllin portugez, dhe Tuchel vendosi t’i besonte bashkëpatriotit të tij.
