Shikoni situatën e trafikut në foto dhe përpiquni të përgjigjeni në më pak se një minutë…
Në kryqëzimin në foto qarkullimi rregullohet ekskluzivisht nga semaforët, të cilët në këtë situatë nuk funksionojnë.
Meqenëse nuk ka sinjalistikë shtesë të trafikut, si dhe polic trafiku, lind pyetja se si do të zhvillohet në atë situatë, transmeton Telegrafi.
Në çfarë rendi do të lëvizin makinat nëpër kryqëzim:
1. E verdha – e bardha – e kuqja,
2. E kuqja – e verdha – e bardha,
3. E bardha – e kuqja – e verdha,
4. E verdha – e kuqja – e bardha,
5. E bardha – e verdha – e kuqja.
Përgjigje:
Meqenëse semaforët në kryqëzim nuk funksionojnë dhe në të nuk ka shenja të tjera të komunikacionit, si dhe nuk ka as polic trafiku, situata është e njëjtë sikur kryqëzimi të mos jetë i rregulluar.
Kjo do të thotë se të gjitha automjetet vijnë nga rrugë me rëndësi të njëjtë.
Në këtë situatë, rregulli i krahut të djathtë dhe rregulli që thotë se në një kryqëzim një mjet që ruan drejtimin e tij të lëvizjes ka të drejtë përparësie mbi një mjet që vjen nga kahu i kundërt, por nuk vazhdon drejt, por kthehet, si në këtë rast, në të majtë.
Këtu kemi situatën që makina blu mbylli hyrjen në kryqëzim për makinën e bardhë, e cila ndodhet pas saj para kryqëzimit. Prandaj, vetura e bardhë nuk guxon të hyjë në kryqëzim, edhe pse ka të drejtë përparësie mbi atë të kuqen, sepse për shkak të dendësisë së qarkullimit do të ndalonte në kryqëzim dhe do të pengonte qarkullimin normal të automjeteve dhe këmbësorëve.
Nga e gjithë kjo rezulton se rendi i kalimit të makinave nëpër kryqëzim është: e verdha – e kuqja – e bardha. Përgjigjja e saktë është në numrin 4.
