Shqipëria ka arritur një fitore të vështirë në miqësoren ndaj Gjibraltarit, duke triumfuar me rezultat 0-1.
Ndeshja e zhvilluar më 4 shtator në Gjibraltar ka pasur pak raste në pjesën e parë, ku rreziku i vetëm për portën vendase ka ardhur nga një gjuajtje e Jasir Asanit, që nuk përfundoi në rrjetë.
Në pjesën e dytë, kuqezinjtë u treguan më aktivë dhe ia dolën të shënojnë në minutën e 69, me anë të Asanit. Sulmuesi i Kombëtares shqiptare realizoi saktë nga penalltia, e cila u akordua pas një loje me dorë në zonë.
Deri në fund, Shqipëria pati edhe një rast të mirë me Shpendin, por rezultati mbeti i pandryshuar.
Kjo ndeshje shënoi një datë historike për futbollin shqiptar, duke kujtuar fitoren ndaj Greqisë 2-1 në kualifikimet për Botërorin 2006, më 2004.
Tani, përqendrimi i Kombëtares është te ndeshja e radhës, më 9 shtator në orën 20:45 në “Air Albania”, ku do të përballet me Letoninë në kuadër të kualifikimeve për Kampionatin Botëror 2026.
