Këngëtari i njohur i skenës shqiptare, Shkumbin Ismaili, është rikthyer fuqishëm me një projekt të ri muzikor që premton të bëhet hit në mesin e adhuruesve të muzikës romantike. Kënga titullohet “Më Mungon”, dhe sjell një rrëfim të ndjerë për sfidat e të qenit njeri i mirë në një botë shpesh të ftohtë e të pamëshirshme. shkruan 04 Online.
Me vargje që të prekin shpirtin, Shkumbini këndon:
“Sa vështirë është sot të jesh i mirë,
në një botë që ska mëshirë.”
Si gjithmonë, artisti i qëndron besnik stilit të tij emocional, ku dashuria është në qendër të gjithçkaje. Me zërin e tij të veçantë dhe interpretimin plot ndjenjë, Ismaili sjell një tjetër këngë që do të mbetet gjatë në kujtesën e publikut.
“Më Mungon” pritet të jetë një nga këngët më të dëgjuara të sezonit, ndërsa fansat kanë nisur menjëherë të ndajnë emocionet dhe vlerësimet e tyre në rrjete sociale./04 Online
