Grupi përfaqësues i Shqipërisë në Eurovizion 2025, Shkodra Elektronike, ka arritur një sukses të madh duke u renditur në vendin e tetë në finalen e madhe të mbajtur më 17 maj, shkruan Gazeta Sinjali.
Me këngën “Zjermi”, ata siguruan një vend të merituar në top 10 mes 26 shteteve konkurruese, duke marrë mbështetje të madhe nga publiku ndërkombëtar.
Pas këtij suksesi, grupi ka reaguar për herë të parë përmes një postimi në Instagram, ku janë shprehur mirënjohës për dashurinë dhe përkrahjen që kanë marrë.
“Donim të fitonim zemrat tuaja. Duket se ia dolëm. A po jo?”, shkruan ata në një mesazh të ndjerë për fansat.
