Kandidate për deputete nga LDK-ja, Ajlin Shishko, theksoi mbështetjen e fuqishme që mori në tubimin e zhvilluar në Suharekë, duke e cilësuar qytetin si bastion të vlerave dhe idealit rugovian.
Ajo shprehu mirënjohjen për energjinë dhe përkushtimin e qytetarëve të Suharekës dhe u angazhua për të vazhduar rrugën që la pas Presidenti historik Dr. Ibrahim Rugova, duke punuar për një Kosovë më të zhvilluar dhe më të drejtë.
Postimi i plotë:
Suharekë, çka ke bo kështu…!
Sot, Suhareka tregoi edhe një herë se është bastion i vlerave dhe idealit rugovian! Ky tubim madhështor është dëshmi e përkushtimit tuaj ndaj rrugës që na la Presidenti historik, Dr. Ibrahim Rugova.
Energjia dhe mbështetja që ndjeva sonte nga ju më japin edhe më shumë forcë për të vazhduar këtë rrugëtim. Bashkë do ta bëjmë ndryshimin, bashkë do ta forcojmë vizionin për një Kosovë më të zhvilluar dhe më të drejtë.
