Kandidatja për deputete nga LDK-ja, Ajlin Shishko, mori pjesë në tubimin zgjedhor në Dragash, ku u mirëprit nga një numër i madh mbështetësish.
Shishko vlerësoi entuziazmin dhe pjesëmarrjen masive, duke e cilësuar Dragashin si simbol të bashkimit dhe vendosmërisë për ndryshim.
Ajo shtoi se përkrahja dhe shpresa që qytetarët e Dragashit po sjellin në këtë rrugëtim janë frymëzim për të ndërtuar një të ardhme më të ndritur për të gjithë.
Postimi i plotë i Shishkos:
Dragashi gati për ndryshim!
Sot, në Dragash, dëshmuam fuqinë e bashkimit dhe vendosmërinë për të sjellë ndryshimin që meritojmë! Një pjesëmarrje masive dhe entuziazëm i jashtëzakonshëm treguan qartë se qytetarët e Dragashit janë të gatshëm për një të ardhme më të mirë.
Bashkë, me besim dhe përkushtim, do ta ndërtojmë një të nesërme më të ndritur për të gjithë! Faleminderit Dragash për përkrahjen dhe për shpresën që po e sillni në këtë rrugëtim!
