Kandidatja për Kuvendin e Komunës së Prizrenit nga Lidhja Demokratike e Kosovës, Ajlin Shishko, ka thënë se do të angazhohet për përmirësimin e mjedisit në qytet dhe zonat përreth, me theks të veçantë të Lumbardhit, shkruan 04 Online.
Shishko theksoi se do të angazhohet për rregullimin e shtratit të lumit dhe ndalimin e derdhjes së ujërave të zeza të fshatrave të Zhupës në Lumbardh, duke i lidhur ato në sistemin e kanalizimeve.
“Ky është një hap i madh për një mjedis më të pastër dhe për një jetë më të shëndetshme për të gjithë,” tha Shishko.
