Sikurse viteve paraprake, edhe këtë vit, mërgimtarët në vendet evro-perëndimore organizuan aktivitete të larmishme për nderë të “Epopesë së UÇK-së”, në kujtim të sakrificë sublime të Familjes Jashari. Për dallim nga vendet e tjera, një grup i të rinjëve kosovarë nga Provinca Treviso, më datat 19 dhe 20 Mars 2022 në One di Fonte (TV-Itali) organizuan turnir në futboll të vogël.
Për dy ditë rresht të gjitha rrugët çonin në pallatin e bukur të sporteve në One di Fonte (TV-Itali), ku në një ambient impozant, të ngrohtë dhe vëllazëror për dy ditë rresht u zhvilluan ndeshjet kualifikuese të 20 ekipeve pjesëmarrëse për finalen e madhe në turnirin tradicional në futboll të vogël për nderë të sakrificës sublime të Familjes Jashari.
Këshilli organizativ i turnirit në krye me veprimtarin Bajram Jupaj, e kishin përgatitur një skenografi të shkëlqyeshme, të gërshëtuar bukur me flamuj kombëtar dhe shtetërorë, me flamuj të UÇK-së dhe fotografi të komandantit legjendar Adem Jashari.
Pjesa finale e turnirit filloj me intonimin e hymnit kombëtar dhe atij shtetërorë të Kosovës, e cila pasoj me fjalën e rastit për historinë e lavdishme të Familjes Jashari, përgatiur nga publicisti Florim Zeqa, njëherësh edhe moderator i kësaj ngjarje të bukur sportive.
Të gjitha ndeshjet u zhvilluan në frymën e lartë sportive, me lojëra të mira dhe gola të bukur, por, ndeshja finale në mes të ekipeve ACG dhe Shala Coperture publikut i dhuroj momente më të veçanta të cilat do të mbeten gjatë në kujtesën e pjesëmarrësve në këtë turnir futbolli.
Pas një një ndeshje sa të bukur, po aq edhe të barabartë, në fund ndeshjen e fitoi ekipi ACG nga Arzignano me rezultatin 3 me 1 ndaj Shala Coperture.
Sikurse çdo garë sportive që përfundon me një fitues, edhe ky turnir përfundoj me një fitues të merituar, por në fakt fitues të këtij turniri janë të gjitha ekipet pjesëmarrëse që e nderuan sakrificën e Familjes Jashari dhe të gjithë të rënëve për lirinë e Kosovës.
Pas përfundimit të ndeshjes finale, Bajram Jupaj në emër të Këshillit Organizativ filloj me ndarjen e mirënjohjeve dhe çmimeve për më të mirët e këtij turniri.
Ndarja e mirënjohjeve filloj me sponsorët e këtij turniri, të atyre që kontribuan për mbulimin e shpenzimeve të këtij aktiviteti sportiv; “Autofficina Fll. Elshani”, “Capital Group”, “Gashi”, “Diar”, “7 Color”, “Redil” dhe “Edilcoperture”.
Këshilli organizativ i shpalli dhe i nderoi me nga një Kupë lojtarin më të mirë, portierin më të mirë dhe golashënuesin e parë, si në vijim;
-Lojtari më i mirë: Ardian Zhegrova (nga ekipi ACG),
-Portieri më i mirë: Bujar Nuha (nga ekipi Shala Coperture),
-Golashënuesi i parë: Ardenis Luzha (nga Nexhmedin Morina).
Organizatori me mirënjohje e nderoi edhe veteranin e futbollit, lojtarin më të vjetër të këtij turniri, z. Fadil Bajraktari, për të ardhur kështu edhe tek momenti më kulmor i këtij aktiviteti sportiv, të nderimit me nga një Kupë dhe medalje të tre vendeve të para:
-Vendi i tretë, Kupë dhe medalje të bronzit për lojtarët e ekipit “Rinia AG Costruzioni”,
-Vendi i dytë, Kupë dhe medalje të argjendit për lojtarët e ekipit “Shala Coperture”,
-Vendi i parë, Kupë dhe medalje të arta për lojtarët e ekipit “ACG”.
Kur jemi në këtë segment, duhet falenderuar tre referët profesionist: Ivan Alburnio, Iarriccio Luigi dhe Girardi Nereo të cilët janë më meritorët për mbarëvajtjen e të gjitha ndeshjeve të këtij turniri.
Vlenë për të përshendetur edhe kontributin e DJ Arben Nexhipi i cili me një mjeshtri të rrallë e mundësoi zërimin e kësaj ngjarje futbollistike.
Krahas pjesëmarrësve të shumtë në këtë aktivet sportiv vlenë për të përmendur edhe prezencën e disa personaliteteve të shquara të mërgatës sonë, si veprimtarët Rexhep Berisha e Burim Obrazhda, veteranët e UÇK-së, Florim Lumi dhe Fehmi Agushi./Florim Zeqa
