Kjo deklaratë e Sara Gjordenit duket se ka marrë shumë vëmendje në rrjete sociale.
Ish-banorja e Big Brother VIP Albania 3 i është përgjigjur një pyetjeje nga ndjekësit në Instagram, konkretisht për në finale të atij edicioni.
Në përgjigjen e saj, Sara theksoi se nuk e ka parë finalen si qëllim kryesor, pasi sipas saj, suksesi që ka arritur pas daljes nga formati është shumë më i madh.
Foto: Instagram
Ajo përmendi se ka fituar dy deri në tre herë çmimin e madh të BBV-së vetëm përmes kontratave në Instagram, si edhe theksoi jetën e lumtur personale.
“U martova me një nga djemtë më të mirë e më të suksesshëm shqiptar, kam një vajzë si drita e bukur, të shëndetshme dhe të zgjuar”.
Sara shtoi gjithashtu se ndjehet e plotësuar nga dashuria dhe mbështetja që merr nga ndjekësit.
“Kam qindra mijëra njerëz që më duan dhe forcohen çdo ditë e më tepër nga kurajo që kam reflektuar në jetë duke e marrë si shembull… Ti thua finalja e BBV…”.
Në këtë mënyrë, ka dashur të theksojë se vlera e suksesit personal nuk matet domosdoshmërisht me arritjet brenda një spektakli, por me ndikimin që ke tek njerëzit dhe realizimin në jetën reale. /Telegrafi/
