Presidenti i Serbisë, Aleksandër Vuçiq gjatë mbërritjes në Pallatin e Kongreseve ku do të marrë pjesë në Samitin “Ukrainë – Evropa Juglindore”, ka deklaruar se nuk do të ndryshoj qëndrim për sanksionet ndaj Rusisë.
Vuçiq do të kërkojë po ashtu që nga teksti i deklaratës së Samitit “Ukrainë – Evropa Juglindore” në Tiranë të hiqet pjesa e sanksioneve ndaj Rusisë dhe po ashtu fjalët “ndikimi malinj i Federatës Ruse në vendet e rajonit”, raporton “B92”.
Në një prononcim për mediet në serbisht, Vuçiq paralajmëroi se kjo e sotmja do të jetë një ditë e ngarkuar, mesazhe serioze dhe të rëndësishme.
‘Na pret një ditë e ngarkuar, mesazhe serioze dhe të rëndësishme. Ne duhet të flasim nesër për agjendën e rritjes, për tregun e përbashkët. Le të flasim sot me Presidentin Zelenski. Tema të rëndësishme dhe jo gjithmonë të lehta për ne. Gjërat nuk janë aq të thjeshta‘- tha Vuçiq për gazetarët pas shtrëngimit të duarve me Ramën dhe presidentin Zelensky..
“Kemi disa propozime për deklaratën… Do të shohim, por e vetmja gjë që mund të them është se do t’i përmbahem parimeve dhe parimeve të miratuara nga Këshilli i Sigurisë Kombëtare i Serbisë dy vjet më parë”.
