Samir Selmani, i diplomuar në Fakultetin e Sigurisë dhe Kriminalistikës dhe me përvojë pune në Zyrën Kadastrale, është kandidat për Kuvendin Komunal të Prizrenit nga Aleanca për Ardhmërinë e Kosovës, shkruan 04 Online.
Ai tha se synon të jetë zëri i qytetarëve, duke u zotuar të punojë për zhvillimin e komunës, përmirësimin e mirëqenies dhe mbështetjen e rinisë si shpresë e së ardhmes.
Njoftimi i plotë i Samir Selmanit
Jam Samir Selmani kam të kryer Fakultetin e Sigurisë dhe kriminalistikës, kam punuar në zyrën Katastrale në cilësinë e kordinatorit tër projekteve, prej kohësh jetoj dhe punoj në Prizren. Nga radhët e Aleancës për Ardhmërinë e Kosovës, në zgjedhjet komunale garoj për të qenë pjesë e Asamblesë Komunale të Prizrenit.
Jamë rritë më dashurinë për Prizrenin, për historinë dhe trimat e këtij vendi. Të jesh asambleist nuk është barrë e lehtë, është zotim dhe përgjegjësi për secilin qytetar, për secilin projekt që e zhvillon qytetin, fshatin dhe Komunën në përgjithsi.
Në asamble do të jem zë i qytetarit pavarësisht partive, do të punojmë bashkarisht për një komunë të zhvilluar, për perspektivën e të gjithëve, për ndryshime pozitive në të mirë të Prizrenit. Kësaj radhe do të punojmë natë e ditë, për mirëqenje e jetë më të mirë. Qytetarët janë forca jonë, kurse ne do të jemi në shërbim të tyre.
Nëse qytetarët më votojnë dhe më japin përgjegjësi, do të jem zëri i tyre për të mirë të secilit qytetar, për të mirë të bizneseve, ekonomisë dhe progresit të qytetit. Do të punoj me prioritet për rininë e qytetit që janë shpresa jonë dhe e ardhmja e vendit.
Duhet ta dojmë qytetin tonë, Prizrenin e dashur dhe të punojmë për të. Prizreni e meriton me qenë vend i mrekullive i turizmit dhe zhvillimit.
Me respekt
Samir Selmani
