Ambasadori gjerman në Kosovë, Jorn Rohde, tha se procesi i Berlinit inicon integrimin jetik ekonomik të vendeve të Ballkanit Perëndimor dhe lidhjen e tyre me Bashkimin Evropian.
Në rrjetin social X, Rohde theksoi se është arritur progres, i cili përkthehet në përmirësimin e përditshmërisë së njerëzve në rajon.
“Procesi i Berlinit nis integrimin jetik ekonomik mes vendeve të Ballkanit Perëndimor dhe lidhjen e tyre me Bashkimin Evropian. Progresi i prekshëm i arritur në këtë rrugë përkthehet në përmirësime të rëndësishme në jetën e përditshme të njerëzve në rajon”, shkroi Rohde.
Ai shtoi në këtë postim një grafik që thotë se tregon katër avantazhe që sjell ecuria e procesit të Berlinit, të cilat përfshijnë mundësi më të mira punësimi, krijimin e një tregu të integruar dhe konkurrues, udhëtimin, studimin dhe punën në Ballkanin Perëndimor pa kufizime dhe shtesë. Rritja e PBB-së në Ballkanin Perëndimor prej 6.7 për qind.
