Kuvendi i Kosovës ka filluar punimet e sesionit vjeshtor, me ç’rast janë diskutuar disa pika të rendit të ditës.
Si rrjedhojë, Kuvendi i Kosovës ka miratuar tri projektligje që ndërlidhen me Forcat e Sigurisë së Kosovës, shkruan 04 Online. E lidhur me këtë ka reaguar edhe deputeti i LVV-së, Arbër Rexhaj, i cili ka thënë se kjo është ditë e mbarë, kohë e mbarë për forcën e ushtrinë tonë.
“Sot në seancën plenare Kuvendi i Republikës së Kosovës miratoi tri projektligje për FSK-në:
- Projektligji për shërbim në FSK;
- Projektligji për Forcën e Sigurisë;
- Projektligji për Ministrinë e Mbrojtjes.
Ditë e mbarë, kohë e mbarë për forcën e ushtrinë tonë!”, ka shkruar në ‘facebook’ deputeti i LVV-së, Arbër Rexhaj./04 Online
