Kandidati për deputet nga LVV, Arber Rexhaj, së bashku me Kryeministrin Albin Kurti, vizituan pesë biznese prodhuese në Prizren, Vëllezërit e Bashkuar, New Diamond Group, Sempro, S-Wool dhe APRINT.
Këto biznese shquhen për inovacion dhe eksport, si New Diamond Group, që dërgon 90% të produkteve jashtë Kosovës, dhe Sempro, që ka ulur ndjeshëm importin e profileve plastike. S-Wool mban gjallë traditën e përpunimit të plisave, ndërsa APRINT operon me teknologji moderne të printimit.
Rexhaj premtoi mbështetje prej 1 miliard eurosh për bizneset në mandatin e ardhshëm, duke synuar fuqizimin ekonomik dhe integrimin e Kosovës në tregjet ndërkombëtare.
Postimi i plotë:
Me Kryeministrin Kurti vizituam pesë biznese të rrethit të Prizrenit, nga prodhimtaria e betonit, e veglave dhe telave për prerje me diamant ndaj gurit, te zdrukthëtaria për profile plastike, prodhimi i plisave e deri te printimi dhe prodhimi i reklamave.
Këto janë Vëllezërit e Bashkuar, New Diamond Group, Sempro, S-Wool, dhe APRINT. Secila nga to me tregime mbreslënëse të rritjes e zhvillimit të biznesit. Vëllezërit e Bashkuar janë të parët në Kosovë me certifikim ISO 9001:2000. New Diamond Group eksporton mbi 90% të produktit në vende si Brazili, Algjeria, Egjipti, Spanja dhe India. Sempro ka zbritur importin e disa profileve të plastikës në Kosovë nga 70 deri në 90%, kurse eksportojnë kryesisht në Ballkan dhe Evropë, përfshirë Ukrainën. S-Wool mban të gjallë traditën historike duke përpunuar me dorë plisin. Kurse APRRINT operon në 1500 m2 me makineri moderne për printime dhe reklama për LED ekrana.
Mandatin tjetër, 1 miliard euro mbështetje bizneseve për prodhimtari dhe ndërmarrësi. Do të vazhdojmë të bëjmë vend edhe në hartën ekonomike të botës, jo vetëm atë politike dhe gjeografike.
118 Lëvizja Vetëvendosje!
29 Arbër Rexhaj
#ArbërRexhaj29#500K#QEVERIAKURTI3#VOTO118#CepmëCep
