Kandidati për deputet nga LVV-ja, Arbër Rexhaj, bashkë me kryetarin e Kuvendit, Glauk Konjufca dhe kandidatët e tjerë për deputet nga Prizren, takuan sot aktivistët dhe qytetarët e lagjeve “11 Qershori”, “Vëllezërit Stavilevci”, “Kurilla” dhe “Ralina” në Prizren.
“Entuziazmi dhe përkushtimi i banorëve të këtyre lagjeve tregojnë energjinë e madhe që na çon drejt fitores më 9 Shkurt,” tha Rexhaj, duke falënderuar qytetarët për mbështetjen e tyre të madhe.
Postimi i plotë i Rexhajt:
Sot, bashkë me mikun tim dhe kryetarin e Kuvendit, Glaukun, takuam aktivistët dhe qytetarët e disa lagjeve të Prizrenit. Ashtu si i gjithë qyteti, edhe lagjet “11 Qershori”, “Vëllezërit Stavilevci”, “Kurilla” dhe “Ralina” janë të përkushtuara dhe plot entuziazëm për fitoren e madhe të 9 Shkurtit.
Faleminderit për përkrahjen!
#ArbërRexhaj29#500K#QEVERIAKURTI3#VOTO118#CepmëCep
