Real Madridi ka kthyer interesimin e tij te ylli i Manchester United për të përforcuar një nga pozitat kyçe të formacionit, në rast se transferimi i lojtarit të Liverpoolit dështon.
Mund të thuhet se “Los Blancos” janë ekipi më i mirë në botë dhe se janë të mbushur me kualitet pothuajse në çdo pozitë, shkruan “Gazeta Express”.
Gjatë verës, transferimi i shumë pritur i Kylian Mbappe më në fund përfundoi, me francezin që ka nënshkruar kontratë pesëvjeçare me klubin nga kryeqyteti spanjoll.
E, një pozitë që duhet për vëmendje të madhe në formacionin e Realit është ana e djathtë e mbrojtjës,
Dani Carvajal është tashmë 32-vjeçar, derisa zëvendësuesi i tij, Lucas Vazquez është një vit më i vjetër, kështu që Realit i duhet një opsion më i ri në moshë në atë pozitë.
Në krye të listës për Real Madridin, qëndron mbrojtësi i djathtë i Liverpoolit, Trent Alexander-Arnold, kontrata e të cilit përfundon në qershor të vitit 2025.
Ndonëse, Trent Alexander-Arnold mund të nënshkruajë kontratën e re me Liverpoolin, një lëvizje në Real Madrid mund ta tundojë atë.
Edhe pse Arnoldi është në krye të listës, klubi madrilen e ka edhe një “plan B”.
Sipas mediumit spanjoll “Fichajes”, Real Madridi sytë i ka edhe kah mbrojtësi i Manchester United, Diogo Dalot.
Dalot është gjithmonë në formacionin startues të Erik ten Hag, derisa ishte transferuar në klub në vitin 2018, në kohën e Jose Mourinhos.
Dalot është një opsion “atraktiv” për “Los Blancos”, pasi ai është vetëm 25-vjeçar dhe tashmë ka një kohë që ai luan në nivelet më të larta të futbollit europian.
Kontrata aktuale e portugezit skadon në vitin 2028, kështu që klubi anglez nuk është në “nëvojë” ta shesë lojtarin.
Madje, kjo e vë në pozitë më të fortë, për të kërkuar shumën maksimale të parave në drejtim të klubeve të interesuara për shërbimet e tij.
