Real Madrid ka befasuar sërish duke mos arritur më shumë se një barazim në duelin e xhiros së tretë të edicionit të ri të La Ligas.
‘Galaktikët’ kanë barazuar me rezulat 1-1 si mysafir ndaj skuadrës së Las Palmas.
Madrilenët madje u gjendën fillimisht në disavantazh, kur mesfushori Albero Moleiro kaloi vendasit në epërsi vetëm në minutën e 5-të të ndeshjes.
Mysafirët megjithatë u rikthyen në pjesën e dytë për ta barazuar rezultatin, duke e bërë këtë përmes Vinicius Jr i cili u tregua i saktë nga pika e penalltisë në minutën e 69-të.
Ky është barazimi i dytë në tre xhiro për Real Madridit, krahas një fitoreje, që gjendet tani aktualisht në pozitën e 5-të me 5 pikë.
